Rúnar Már Sigurjónsson og samherjar hans í rúmenska liðinu Cluj voru hársbreidd frá sigri á Young Boys frá Sviss í fyrri leik liðanna í Meistaradeild Evrópu í fótbolta í kvöld.
Cluj komst yfir á 39. mínútu með marki frá Cristian Manea en Vincent Sierro jafnaði fyrir Young Boys í uppbótartíma. Rúnar Már lék fyrstu 85 mínúturnar með Cluj.
Mikael Anderson lék ekki með Midtjylland í 0:3-tapi fyrir PSV Eindhoven á útivelli. Mikael er að jafna sig á kórónuveirunni. Elías Rafn Ólafsson var ekki í leikmannahópi danska liðsins.
Í öðrum leikjum sem búnir eru gerði Mónakó góða ferð til Tékklands og vann Sparta frá Prag, 2:0. Malmö vann sterkan 2:1-sigur á Rangers á heimavelli og Shakhtar Donetsk hafði betur gegn Genk á útivelli, 2:1.