Í liði umferðarinnar í Noregi

Jónatan Ingi Jónsson, fyrrverandi leikmaður FH, er í úrvalsliði áttundu umferðar í norsku B-deildinni í knattspyrnu hjá norsku fréttastofunni NTB.

Jónatan Ingi skoraði eitt marka Sogndal þegar liðið vann Stjördals Blink 3:1 á útivelli í gær en það var hans annað mark fyrir liðið í fyrstu átta umferðum deildarinnar.

Sogndal er í sjötta sæti af sextán liðum í deildinni en með liðinu leika einnig þeir Valdimar Þór Ingimundarson og Hörður Ingi Gunnarsson. Þeir komu allir til félagsins í vetur.

• Blogga um frétt