Spænska stórstjarnan Alexia Putellas, besta knattspyrnukona heims, missir af EM 2022 á Englandi, sem hefst á morgun, eftir að hún sleit fremra krossband í hné.
Fyrr í dag var greint frá því að Putellas, sem leikur með Barcelona og spænska landsliðinu, hefði meiðst á hné á æfingu með landsliðinu í morgun.
Eftir frekari læknisskoðun kom í ljós að krossbandið er slitið og verður Putellas því frá fram á næsta ár.
Putellas var á síðasta ári valinn besta knattspyrnukonan af FIFA og vann sömuleiðis Gullknöttinn.