Svava til Bandaríkjanna í stað Lundúna?

Svava Rós Guðmundsdóttir, landsliðskona í fótbolta, mun væntanlega ekki ganga í raðir enska úrvalsdeildarfélagsins West Ham.

Amanda Zaza, blaðakona hjá Fotbollskanalen í Svíþjóð, greinir frá að Svava hafi verið nálægt því að ganga í raðir Lundúnafélagsins en viðræðurnar hafi runnið út í sandinn.

Hún greinir frá að sóknarkonan hafi rætt við bandarísk félög, eftir að í ljós kom að hún myndi ekki verða liðsfélagi Dagnýjar Brynjarsdóttur, fyrirliða West Ham.

Svava yfirgaf norska félagið Brann á dögunum, en hún varð Noregsmeistari með liðinu á síðustu leiktíð. 

• Blogga um frétt