Fulltrúar Íslendinga á Vetrarólympíuleikunum og Vetrarólympíumótinu í Vancouver voru kynntir í ráðherrabústað kanadíska sendiráðsins í dag. Íslendingar senda fimm keppendur á leikana og keppa þau öll í alpagreinum.
Árni Þorvaldsson Ármanni, Björgvin Björgvinsson Skíðafélagi Dalvíkur, Íris Guðmundsdóttir Skíðafélag Akureyrar og Stefán Jón Sigurgeirsson Völsungi keppa á Ólympíuleikunum sem fara fram 12. - 28. febrúar. Erna Friðriksdóttir Íþróttasambandi fatlaðra keppir á Ólympíumótinu sem fram fer 12. - 22. mars.