Bjartmar Örnuson fyrstur í mark

Tiana Ósk Whitworth kom fyrst í mark í 200 metra ...
Tiana Ósk Whitworth kom fyrst í mark í 200 metra hlaupi kvenna mbl.is/Eggert Jóhannesson

Í kvöld fór fram Vormót ÍR í frjálsíþróttum á Laugardalsvelli. Í Kaldalshlaupinu, sem er hlaupið í minningu Jóns Kaldal, sigraði Bjartmar Örnuson á tímanum 9:00,44 sekúndum.

Hinar ungu og efnilegu Tiana og Guðbjörg unnu sínar greinar. Tiana kom fyrst í mark í 200 metra hlaupi kvenna á tímanum 24,21 sekúndum og Guðbjörg vann 100 metra hlaupið á 12,04 sekúndum. 

Jóhann Björn Sigurbjörnsson vann bæði 100 og 200 metra hlaup karla á tímunum 10,85 sekúndum og 21,93 sekúndum.

Önnur úrslit voru þau að Ívar Kristinn Jasonarson kom fyrstur í mark í 400 metra grindahlaupi karla á tímanum 52,55 sekúndum. Í 400 metra hlaupi kvenna sigraði Þórdís Eva Steinsdóttir á tímanum 56,25 sekúndum. Karlamegin sigraði Hinrik Snær Steinsson á tímanum 50,73 sekúndum.

Í stangarstökki kvenna stökk Hulda Þorsteinsdóttir hæst eða 3,70 metra. Í stangarstökki karla fór Ægir Örn Kristjánsson hæst og setti persónulegt met þegar hann fór yfir 3,50 metra.

Í sleggjukasti kvenna kastaði Vigdís Jónsdóttir lengst allra eða 56,15 metra. Í sleggjukasti stúlkna 16-17 ára sigraði Elísabet Rut Rúnarsdóttir með kast upp á 57,60 metra. 

Í 100 metra grindahlaupi kvenna sigraði Guðrún Dóra Sveinbjarnardóttir á tímanum 14,82 sekúndum. Í 110 metra grindahlaupi karla sigraði Ísak Óli Traustason á tímanum 15,25 sekúndum

Í hástökki kvenna sigraði Helga Þóra Sigurjónsdóttir með stökki upp á 1,67 metra. Í hástökki karla sigraði Kristján Viggó Sigfinnsson með stökk upp á 1,85 metra.

Í langstökki kvenna stökk Birna Kristín Kristjánsdóttir lengst 5,87 metra. Karlamegin sigraði Gylfi Ingvar Gylfason með stökk upp á 6,66 metra.

Í kringlukasti kvenna kastaði Thelma Lind Kristjánsdóttir lengst eða 51,55 metra. 

Í kúluvarpi karla kastaði Kristján Viktor Kristinsson lengst allra eða 15,28 metra

Í spjótkasti karla sigraði Dagbjartur Daði Jónsson með kasti upp á 70,86 metra 

Í 800 metra hlaupi kvenna sigraði Berglind Björk Guðmundsdóttir og setti persónulegt met á tímanum 2:24,62 sekúndum. Í 800 metra hlaupi karla sigraði Sæmundur Ólafsson á tímanum 1:56,68 sekúndum. 

Í 1500 metra hlaupi kvenna kom Andrea Kolbeinsdóttir fyrst í mark á tímanum 5:02,52.

mbl.is