Valdís Þóra Jónsdóttir er í toppbaráttunni eftir tvo hringi á Ladies Classic Bonville-mótinu í Ástralíu en mótið er hluti af LET-Evrópumótaröðinni.
Valdís Þóra lék annan hringinn á 70 höggum eða tveimur höggum undir pari og er í 3.-4. sæti á fimm höggum undi pari. Valdís var mjög stöðug í spilamennsku sinni en hún fékk tvo fugla á fyrri níu holunum og lék sjö holur á parinu. Á seinni níu holunum fékk hún einn fugl og einn skolla og kom inn í hús á 70 höggum.
Ólafía Þórunn lék á 70 höggum eins og Valdís Þóra og spilamennska hennar allt önnur heldur en á fyrsta hringnum sem hún lék á 80 höggum. Ólafía krækti sér í sex fugla og fékk tvo skolla. Ólafía er samtals á sex höggum yfir pari og er í 64. sæti og rétt slapp í gegnum niðurskurðinn sem var miðaður við sjö högg yfir pari.
Holly Clyburn frá Englandi er með forystu en hún er sjö höggum undir pari.
Valdís Þóra Jónsdóttir er í toppbaráttunni eftir tvo hringi á Ladies Classic Bonville-mótinu í Ástralíu en mótið er hluti af LET-Evrópumótaröðinni. Ólafía Þórunn Kristinsdóttir lék líka á 70 höggum og komst í gegnum niðurskurðinn þrátt fyrir slakan fyrsta hring.