Atvinnukylfingurinn Ólafía Þórunn Kristinsdóttir lék ekki þriðja hringinn sinn á lokaúrtökumóti fyrir LPGA-mótaröðina í dag eins og stóð til, þar sem leik var frestað vegna veðurs.
Mikil rigning hefur verið í Norður-Karólínu í dag og var því ekki hægt að leika á Pinehurst no. 6 vellinum. Þriðji hringurinn verður leikinn á morgun í staðinn og fara fyrstu kylfingar á flöt í kringum hádegið.
Ólafía náði sér ekki á strik á fyrstu tveimur dögunum því hún lék á samtals níu höggum yfir pari og var fimm höggum frá því að komast í hóp 45 efstu kylfinganna, en þeir tryggja sér þátttökurétt á mótaröðinni á næsta tímabili. Alls eru sex hringir leiknir á mótinu.