Ólafía Þórunn Kristinsdóttir náði sér alls ekki á strik á áttunda og síðasta hring sínum á á lokaúrtökumóti fyrir LPGA-mótaröðina í golfi á NO. 7-vellinum í Norður-Karólínuríki í dag og lék hún á 80 höggum, átta höggum yfir pari.
Atvinnukylfingurinn hefur verið langt frá sínu besta á mótinu og komst hún ekki nærri því að tryggja sér áframhaldandi þátttökurétt á mótaröðinni, sem er sú sterkasta í heimi. Ólafía hefur leikið á mótaröðinni síðustu tvö tímabil.
Ólafía hafnaði í 93. sæti af 100 kylfingum og var 18 höggum frá því að vera á meðal þeirra 45 sem tryggðu sér sæti á mótaröðinni. Jeongeun Lee frá Suður-Kóreu lék best allra eða á 18 höggum undir pari.