Bandaríkjamaðurinn Tiger Woods er með þriggja högga forskot á Japanann Hideki Matsuyama á ZOZO-mótinu sem fram fer á Narashino-vellinum í Japan en mótið er hluti af PGA-mótaröðinni í golfi.
Tiger spilaði frábært golf á fyrstu þremur keppnishringunum og var samtals á sextán höggum undir pari. Hann hefur byrjað fjórða hringinn mjög vel og er á tveimur höggum undir pari eftir fyrstu ellefu holurnar.
Japaninn Matsuyama er á fimmtán höggum undir pari eins og sakir standa en hann er kominn á tólftu braut og er á tveimur höggum undir pari í dag. Sungjae Im frá Suður-Kóreu og Gary Woodland frá Bandaríkjunum eru í 3.-4. sæti á tólf höggum undir pari.