Fram átti að fá víti eftir sigurmarkið

Fram átti að fá víti í blálok leiksins gegn ÍBV í lokaumferð Olísdeildar karla í handbolta í gærkvöldi. ÍBV vann leikinn, 34:33, og tryggði sér deildarmeistaratitilinn fyrir vikið. Agnar Smári Jónsson skoraði sigurmarkið örfáum sekúndum fyrir leikslok, en eftir það hefði Fram átt að fá víti. Vísir.is greindi frá.

Frétt af mbl.is

Síðasta skotið tryggði ÍBV deildartitilinn

Eftir markið var mikið um að vera hjá leikmönnum ÍBV og á einum tímapunkti voru átta leikmenn inni á vellinum, sem ekki er leyfilegt. Magnús Stefánsson var áttundi maðurinn og hefði hann átt að fá rautt spjald og Framarar víti. Hefðu Framarar fengið víti og skorað úr því, væri Selfoss deildarmeistari. 

• Blogga um frétt