ÍR vann sinn fyrsta leik í Olís-deild karla í handknattleik þetta tímabilið þegar ÍBV kom í heimsókn í 3. umferð í kvöld. ÍR vann þriggja marka sigur 31:27.
Kristjáni Orra Jóhannssyni héldu engin bönd í liði ÍR og skoraði hann 13 mörk, en ÍR-ingar voru þremur mörkum yfir í hálfleik 18:15. Eyjamenn náðu ekki að brúa bilið eftir hlé en þeirra markahæstur var Theodór Sigurbjörnsson með sex mörk.
ÍR er nú komið með tvö stig í deildinni eftir þrjá leiki en ÍBV er með þrjú stig eftir einn sigur og eitt jafntefli fram að leiknum í dag.
Mörk ÍR: Kristján Orri Jóhannsson 13, Þrándur Gíslason Roth 5, Sveinn Andri Sveinsson 3, Bergvin Þór Gíslason 3, Sturla Ásgeirsson 3, Pétur Árni Hauksson 2, Björgvin Þór Hólmgeirsson 2.
Mörk ÍBV: Theodór Sigurbjörnsson 6, Sigurbergur Sveinsson 5, Elliði Snær Viðarsson 5, Kári Kristján Kristjánsson 4, Róbert Sigurðarson 3, Kristján Örn Kristjánsson 2, Dagur Arnarsson 1, Daníel Örn Griffin 1.