Kiel er komið upp í þriðja sæti þýsku 1. deildarinnar í handbolta eftir afar sannfærandi 32:23-sigur á Hannover Burgdorf á heimavelli í dag.
Kiel var með undirtökin allan tímann og var staðan 17:12 í hálfleik. Gísli Þorgeir Kristjánsson lék ekki með Kiel vegna meiðsla á öxl sem hann varð fyrir á dögunum.
Filip Jicha er þjálfari Kiel, en hann tók við af Alfreð Gíslasyni fyrir tímabilið, eftir að Alfreð hafði stýrt því í ellefu ár.
Kiel er með 18 stig, tveimur minna en Hannover Burgdorf og ríkjandi meistararnir í Flensburg, en liðið á tvo leiki til góða og getur því komist í toppsætið.