Janus Daði Smárason, landsliðsmaður í handknattleik, þarf að fara í aðgerð til að fá bót meina sinna í öxl.
Frá þessu er greint á heimasíðu Göppingen.
Lítið varð úr HM hjá Janusi vegna meiðslanna en hann gat aðeins tekið lítillega þátt í fyrsta leiknum gegn Portúgal. Hann var hins vegar með í leikjunum tveimur gegn Portúgal í undankeppni EM í aðdraganda HM.
Janus hafði glímt við meiðsli í öxl í nokkurn tíma og ólíklegt er að hann verði meira með Göppingen á keppnistímabilinu í Þýskalandi.