Óeirðir í Brussel eftir óvænt tap Belga
Setja bókamerki
Óeirðir brutust út í miðborg Brussel í Belgíu í dag eftir að karlalandslið Belga tapaði 2 - 0 fyrir Marokkó á heimsmeistaramótinu í knattspyrnu í Katar í dag. Lögregla beitti táragasi og vatnsdælu á mannfjöldann.
Tugir ósáttra fótboltaaðdáenda brutu glugga í verslunum, kastaði flugeldum á götum úti og kveiktu í bílum.
Mikill viðbúnaður lögreglu
Óeirðirnar brutust út áður en flautað var til leiksloka í Katar að því er fram kemur í tilkynningu frá lögreglu. Í tilkynningunni segir enn fremur að óeirðarmennirnir hafi margir hverjir verið vopnaðir prikum.
Um hundrað lögreglumenn tóku þátt í aðgerðum lögreglu og var íbúum borgarinnar ráðlagt að forðast hluta miðborgarinnar. Þá var götum og lestarstöðvum lokað til að koma í veg fyrir að óeirðirnar myndu brjótast víðar út.
„Ég fordæmi harðlega það sem gerðist síðdegis í dag. Lögreglan hefur nú þegar skorist í leikinn af hörku,“ tísti Philippe Close, borgarstjóri Brussels.
Uppfært 20.50
Í frétt AFP var ekki minnst á hvort óeirðarseggirnir í Brussel væru aðdáendur Belgíu eða Marokkó en víst er að marokkóskum fótboltaaðdáendum er um að kenna í fjórum hollenskum borgum.
„Höfum ekki náð að skríða upp úr þeirri gryfju“
Kostnaður meiri en milljón á fermetra
Skar höfuðleðrið af íslenskri konu
Kaldasti veturinn kom að óvörum
„Umsátursástand“
Gígbarmurinn hækkað frá því í gær
Strand skemmtiferðaskips kallar á erlenda aðstoð
Krefjast stöðvunar framkvæmda