Íslenska kvennalandsliðið í körfuknattleik steinlá fyrir Svartfellingum, 69:37, þegar liðin áttust við í undankeppni Evrópumótsins í Podgorica í Svartfjallalandi í kvöld.
Ísland var yfir eftir fyrsta leikhlutann, 14:12, þar sem Helena Sverrisdóttir skoraði 11 af stigum íslenska liðsins. Svartfellingar sigu fram úr í öðrum leikhlutanum og í hálfleik voru þeir yfir, 35:31.
Leikur íslenska liðsins hrundi gjörsamlega í seinni hálfleik líkt og í leiknum gegn Bosníu um síðustu helgi. Ísland skoraði aðeins 6 stig í öllum seinni hálfleiknum, 3 stig í hvorum leikhluta.
Helena Sverrisdóttir bar af í íslenska liðinu en hún skoraði 22 stig, tók 9 fráköst og gaf 3 stoðsendingar.
Ísland hefur tapað öllum fjórum leikjum sínum.