Bakvörðurinn Antti Kanervo hefur samið við Stjörnuna og mun hann leika með liðinu í úrvalsdeild karla í körfuknattleik á næstu leiktíð en þetta staðfesti félagið á Facebook-síðu sinni í dag.
Þessi 29 ára gamli leikmaður kemur til Stjörnunnar frá finnska liðinu Helsinki Seagulls. Hann skoraði 13 stig að meðtali á síðustu leiktíð og tók 3 fráköst. Þá var hann með 40% þriggja stiga nýtingu.
Hann á að baki 15 landsleiki fyrir Finnland og þá hefur hann einnig spilað í frönsku B-deildinni á ferlinum.