Stelpurnar í fimmtánda sæti

Íslenska stúlknalandsliðið í körfuknattleik, skipað leikmönnum 18 ára og yngri, endaði í fimmtánda sæti í B-deild Evr­ópu­móts­ins í Skopje í Norður-Makedón­íu eftir 76:75-sigur gegn Eistlandi í dag.

Íslenska liðið byrjaði leikinn betur og leiddi með sex stigum eftir fyrsta leikhluta. Ísland hélt áfram að auka forskot sitt í öðrum leikhluta og var staðan 44:31, Íslandi í vil, í hálfleik. Eistland minnkaði muninn í fimm stig í þriðja leikhluta og vann fjórða leikhluta með fjórum stigum en það dugði ekki til og Ísland fagnaði sigri.

Ásta Júlía Grímsdóttir var stigahæst í íslenska liðinu með 22 stig, þrettán fráköst og eina stoðsendingu. Sigrún Björg Ólafsdóttir átti einnig góðan leik og skoraði 18 stig, tók tvö fráköst og gaf fjórar stoðsendingar.

• Blogga um frétt