Craig Pedersen landsliðsþjálfari karla í körfuknattleik, tilkynnti í dag sextán manna hóp fyrir lokaundirbúninginn vegna leikja Íslands í undankeppni heimsmeistaramótsins.
Ísland mætir Hollandi í síðasta leik fyrri undankeppninnar á Ásvöllum á föstudagskvöldið og spilar síðan tvo fyrstu leikina í seinni undankeppninni í ágúst. Þar leika sex lið um þrjú sæti á HM og þegar er ljóst að Ísland tekur með sér þangað sigurleikina gegn Hollandi og Ítalíu, og á möguleika á að bæta þriðja sigrinum við á föstudagskvöldið.
Martin Hermannsson verður ekki með íslenska liðinu á næstunni en hann sleit krossband í hné í leik með Valencia fyrir skömmu.
Hópur Íslands er þannig skipaður:
Elvar Már Friðriksson · Derthona Basket, Ítalíu
Haukur Helgi Briem Pálsson · Njarðvík
Gunnar Ólafsson · Stjarnan
Hilmar Smári Henningsson · Haukum
Hilmar Pétursson · Breiðablik
Hörður Axel Vilhjálmsson · Keflavík
Jón Axel Guðmundsson · Crailsheim, Þýskalandi
Kári Jónsson · Valur
Kristinn Pálsson · Aris Leeuwarden, Hollandi
Ólafur Ólafsson · Grindavík
Ragnar Ágúst Nathanaelsson · Hamri
Sigtryggur Arnar Björnsson · Tindastóll
Styrmir Snær Þrastarson · Davidson, USA
Tryggvi Snær Hlinason · Basket Zaragoza, Spáni
Þórir G. Þorbjarnarsson · Landstede Hammers, Hollandi
Ægir Þór Steinarsson · Gipuzkoa Basket, Spáni