Jónsi Í svörtum fötum var mættur á gítarinn

„Við vorum í tómu tjóni í þessari seríu,“ sagði Brynjar Þór Björnsson, fyrrverandi fyrirliði karlaliðs KR í körfuknattleik, í Dagmálum, frétta- og menningarlífsþætti Morgunblaðsins.

Brynjar Þór, sem er 34 ára gamall, varð Íslandsmeistari með KR í annað sinn á sínum ferli árið 2009 þegar liðið vann Grindavík í ótrúlegu úrslitaeinvígi eftir oddaleik, 3:2.

Alls varð hann átta sinnum Íslandsmeistari með KR og þrívegis bikarmeistari en hann er leikjahæsti leikmaður KR frá upphafi.

„Við lentum 1:2-undir og við fórum til Grindavíkur og það var sigurhátið í bænum,“ sagði Brynjar Þór.

„Jónsi [úr hljómsveitinni] Í svörtum fötum var mættur á gítarinn og sigurpartíið átti að vera í Grindavík þetta kvöldið,“ sagði Brynjar meðal annars.

Viðtalið við Brynjar Þór í heild sinni má nálgast með því að smella hér.

mbl.is