Fjórir ráðherrar og fjölmargir framámenn í íslensku atvinnulífi eru meðal þeirra sem koma fram á Iðnþingi Samtaka iðnaðarins í dag. Þar verður sérstök áhersla lögð á samkeppnishæfni Íslands út frá starfsumhverfi, innviðum, nýsköpun og menntun.
Yfirskrift þingsins að þessu sinni er „Ísland í fremstu röð – eflum samkeppnishæfnina“ en bein útsending frá því hefst klukkan 13:30.
Samhliða þinginu var gefin út skýrsla sem fjallar um samkeppnishæfni Íslands.
Í upphafi þingsins flytja ávörp Guðrún Hafsteinsdóttir, formaður Samtaka iðnaðarins, og Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra. Þá eru umræður í fjórum pallborðum sem verður stjórnað af þeim Ingólfi Bender, aðalhagfræðingi SI, og Sigríði Mogensen, sviðsstjóra hugverkasviðs SI. Í lok þingsins flytur Sigurður Hannesson, framkvæmdastjóri SI, erindi.
Heildardagskrá þingsins má sjá hér að neðan.
Kl. 13.30 ÁVARP
Guðrún Hafsteinsdóttir, formaður SI
Kl. 13.45 ÁVARP
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra
Kl. 14.00 VIRKJUM TÆKIFÆRIN
Gestur Pétursson, forstjóri Elkem á Íslandi
Sesselja Vilhjálmsdóttir, stofnandi og forstjóri Tagplay
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra
Kl. 14.15 FJÁRFESTING Í DAG ER HAGVÖXTUR Á MORGUN
Guðmundur Ingi Guðbrandsson, umhverfis- og auðlindaráðherra
Ólöf Helgadóttir, rafmagnsverkfræðingur hjá Lotu
Sigurður R. Ragnarsson, forstjóri ÍAV
Kl. 14.30 MENNTAKERFIÐ ER EKKI EYLAND
Finnur Oddsson, forstjóri Origo
Lilja Dögg Alfreðsdóttir, mennta- og menningarmálaráðherra
Rannveig Rist, forstjóri Rio Tinto á Íslandi
Kl. 14.45 LEITIN AÐ STÖÐUGLEIKA
Andri Þór Guðmundsson, forstjóri Ölgerðarinnar
Bjarni Benediktsson, fjármála- og efnahagsráðherra
Eva Hlín Dereksdóttir, framkvæmdastjóri Raftákns
Kl. 15.00 Áræðni, ný hugsun og djörf framtíðarsýn
Sigurður Hannesson, framkvæmdastjóri SI