Nýtt 150 herbergja Courtyard by Marriott-flugvallarhótel verður opnað við Keflavíkurflugvöll á næsta ári. Fjármögnun hótelsins er að fullu lokið og verður fyrsta skóflustungan tekin í dag. Framkvæmdir hefjast strax í kjölfarið.
Capital Hotels, sem rekur fjögur hótel í Reykjavík og eitt í Borgarnesi, verður sérleyfishafi nýja hótelsins. Aðaltorg ehf. er byggingaraðili verkefnisins og hyggst félagið reisa fjölbreytt verslunar- og þjónusturými í grennd við hótelið.
Courtyard-hótel Marriott eru staðsett við helstu flugvelli Evrópu en þau eru rúmlega 1.100 talsins.