Hækka laun og bjóða ókeypis máltíðir

Bandaríska hamborgarakeðjan Wendy's mun hækka tímakaup starfsmanna fyrirtækisins um 10% næstu fimm vikur. Þetta kemur fram í tilkynningu sem framkvæmdastjóri Wendy's, Todd Penegor, sendi frá sér í dag.

Starfsmenn, vaktstjórar og aðstoðarmenn stjórnenda eiga allir rétt á launahækkuninni. Þá munu stjórnendur og svæðisstjórar fá hluta bónusa sinna í mars og apríl greiddan. Til að létta enn frekar undir með starfsmönnum hefur fyrirtækið jafnframt ákveðið að bjóða þeim fríar máltíðir auk þess sem afsláttur verður veittur af fjölskyldumáltíðum.

Gengi hlutabréfa Wendy's hefur lækkað umtalsvert það sem af er ári en það stendur nú í 13,5 bandaríkjadölum. Til samanburðar stóð það í tæplega 22,4 bandaríkjadölum í upphafi árs.

• Blogga um frétt