Eft­ir­lits­stofn­un EFTA (ESA) samþykkti í dag ráðstöfun íslenskra stjórnvalda er snýr að því að tryggja aðgang fyrirtækja í tímabundnum vanda vegna heimsfaraldurs kórónuveiru að lausu fé. Þetta kemur fram í fréttatilkynningu.

„Á þessum erfiðu tímum er það forgangsatriði okkar að takast á við ráðstafanir sem tengjast heimsfaraldri kórónuveiru. Okkur hefur tekist að samþykkja umrædda ráðstöfun skjótt, þökk sé góðu samstarfi okkar við íslensk stjórnvöld og framkvæmdastjórn ESB,“ segir Bente Angell-Hansen, forseti ESA, í fréttatilkynningu.

Frétt af mbl.is

Fyrirtækjum með brúarlán bannað að greiða út arð

Vegna kórónuveirufaraldursins standa mörg fyrirtæki frammi fyrir tímabundnu tekjufalli og lausafjárvanda en þurfa engu að síður að greiða fastan kostnað.
„Ráðstöfunin mun veita þeim fyrirtækjum, sem verða verst úti vegna efnahagslegra áhrifa kreppunnar, aðgang að lánum á hagstæðum kjörum, sem mun hjálpa þeim að standa undir rekstrarkostnaði og halda áfram starfsemi sinni,“  segir Högni S. Kristjánsson, stjórnarmaður ESA, í fréttatilkynningu.

Íslensk stjórnvöld munu veita ríkisábyrgð á viðbótarlánum sem veitt eru af lánastofunum til að mæta tímabundnum lausafjárvanda fyrirtækja. Heildarábyrgð ríkissjóðs vegna viðbótarlána getur numið allt að 50 milljörðum króna. 

Frétt af mbl.is

Sömdu vegna ábyrgða ríkisins á viðbótarlánum

Þau fyrirtæki sem koma til með að njóta ríkisábyrgða geta ekki frá 1 mars 2020 og meðan ábyrgðin er í gildi greitt út arð, óumsamda kaupauka, keypt eigin hlutabréf eða veitt eða greitt lán til eigenda eða nákominna aðila, greitt víkjandi lán fyrir gjalddaga, eða greitt neinar þær greiðslur til eigenda eða nákominna aðila sem ekki eru nauðsynlegar til að viðhalda rekstri og rekstrarhæfi félagsins

Tengdar fréttir

Kórónuveiran Covid-19

Kári segir Helgu fara með rangt mál

• Heimsfaraldurinn var æfing í seiglu
• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars

» Fleiri tengdar fréttir

• Blogga um frétt