Forstjóri sádíska olíurisans Saudi ARAMCO, Amin Nasser, segist bjartsýnn um að heimsmarkaðsverð á hráolíu taki aftur við sér eftir að hafa tekið dýfu vegna kórónuveirufaraldursins. Sala hráolíu á dagsgrundvelli sé nú um 90 milljónir tunna á dag, aðeins 10 milljónum minna en fyrir upphaf faraldursins. Saudi ARAMCO er í eigu sádísku konungsfjölskyldunnar.
„Lönd heimsins eru að hluta til að taka við sér og smám saman að létta á samkomutakmörkunum. Efnahagur heimsins sé nú farinn að endurræsa sig eftir COVID-19.“ Þetta sagði Nasser nýverið á fjarfundi með blaðamönnum.
Afkoma Saudi ARAMCO á öðrum ársfjórðungi var ein sú versta í manna minnum, samkvæmt Nasser. Saudi ARAMCO er stærsta orkufyrirtæki í heimi og nam hagnaður fyrirtækisins í lok annars ársfjórðungs í fyrra 46.9 milljörðum bandaríkjadollara eða um 6.400 milljörðum íslenskra króna. Hagnaður fyrirtækisins á sama tíma á þessu ári var hins vegar einungis um 23.3 milljarðar bandaríkjadollara eða rúmlega 3.000 milljarðar íslenskra króna.