Viðskipti | mbl | 3.11.2020 | 10:28

Rakel ráðin framkvæmdastjóri upplýsingatæknisviðs hjá Alvotech

Rakel Óttarsdóttir. Ljósmynd/Aðsend

Alvotech

Hjá Alvotech starfa nú um 500 sérfræðingar og vísindamenn í fjórum löndum.
Höfuðstöðvar fyrirtækisins eru innan Vísindagarða Háskóla Íslands en aðrar starfsstöðvar Alvotech eru í Þýskalandi, Sviss og í Bandaríkjunum.
Líftæknilyf Alvotech sem nú eru í þróun eru hliðstæðulyf við frumlyf sem eru á markaði í dag og munu renna af einkaleyfi á næstu árum. Lyfin eru meðal annars notuð til meðferðar á erfiðum sjúkdómum, eins og t.d. gigt, psoriasis og krabbameini.

Lyfjafyrirtækið Alvotech hefur ráðið Rakel Óttarsdóttur sem framkvæmdastjóra upplýsingatæknisviðs. Hún mun bera ábyrgð á upplýsingatæknimálum fyrirtækisins og verður hluti af framkvæmdastjórnarteymi Alvotech. Rakel kemur frá Össuri en þar starfaði hún sem yfirmaður upplýsingatæknimála.

Áður starfaði Rakel hjá Arion banka í um 14 ár, þar sem hún var meðal annars framkvæmdastjóri upplýsingatæknisviðs og framkvæmdastjóri þróunar- og markaðssviðs.

Rakel tekur við starfinu af Guðmundi Óskarssyni framkvæmdastjóra upplýsingatæknisviðs Alvotech og Alvogen, sem nú kveður eftir árangursríkt og skilvirkt uppbyggingarstarf undanfarinna sjö ára hjá félögunum, að því er félagið greinir frá í tilkynningu.

Rakel er með B.Sc. í tölvunarfræði frá Háskóla íslands (1997) og MBA-gráðu frá Duke University (2002). Hún er gift Gísla Óttarssyni verkfræðingi og meðal áhugamála Rakelar eru ferðalög, veiði og skíði.

Alvotech

Hjá Alvotech starfa nú um 500 sérfræðingar og vísindamenn í fjórum löndum.
Höfuðstöðvar fyrirtækisins eru innan Vísindagarða Háskóla Íslands en aðrar starfsstöðvar Alvotech eru í Þýskalandi, Sviss og í Bandaríkjunum.
Líftæknilyf Alvotech sem nú eru í þróun eru hliðstæðulyf við frumlyf sem eru á markaði í dag og munu renna af einkaleyfi á næstu árum. Lyfin eru meðal annars notuð til meðferðar á erfiðum sjúkdómum, eins og t.d. gigt, psoriasis og krabbameini.