Hleypt aftur í loftið of snemma

Allar flugvélar af gerðinni Boeing 737 Max voru kyrrsettar í …
Allar flugvélar af gerðinni Boeing 737 Max voru kyrrsettar í kjölfar tveggja mannskæðra flugslysa. Nú eru þær hins vegar á leið aftur í loftið. AFP

Fyrrverandi yfirmaður í verksmiðju flugvélaframleiðandans Boeing í Seattle í Bandaríkjunum hefur enn áhyggjur af öryggismálum 737 Max-flugvéla fyrirtækisins.

Ed Pierson segir að frekari rannsóknir á rafmagnsvandamálum og framleiðslugæðum þurfi sárlega að fara fram, en flugvélar af þessari gerð, sem voru kyrrsettar um heim allan í kjölfar tveggja mannskæðra flugslysa, hafa þegar fengið flugleyfi að nýju í Bandaríkjunum og í Brasilíu og búist er við því að Evrópa fylgi í þessari viku.

Eftirlitsstofnanir bæði í Bandaríkjunum og Evrópu fullyrða að nægar prófanir hafi farið fram og flugvélarnar teljist nú öruggar.

Í skýrslu sinni vegna málsins segir Pierson hins vegar að rannsóknaraðilar hafi að miklu leyti hunsað þætti sem hann telur að hafi átt mikinn þátt í flugslysunum. Tengir hann þá sérstaklega aðstæðum í verksmiðju Boeing í Renton á þeim tíma sem flugvélarnar voru framleiddar. Boeing neitar ásökunum Piersons.

Frétt BBC

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK