Öllum verslunum Debenhams verður lokað og 12 þúsund missa vinnuna samkvæmt heimildum AFP-fréttastofunnar.
Breska tískukeðjan Boohoo hefur keypt eignir úr þrotabúi breska vöruhússins Debenhams. Debenhams varð gjaldþrota í síðasta mánuði. Með kaupunum fær Boohoo, sem er netverslun, heimild til að nota vörumerki Debenhams auk þess að kaupa upplýsingar í tölvukerfi vöruhússins um viðskiptavini. Samningurinn hljóðar upp á 55 milljónir punda.