Þrjú fyrirtæki munu taka þátt í þróunarferli græns orkugarðs á Reyðarfirði, en markmiðið er að meta hvernig framleiðsla á grænu rafeldsneyti getur greitt fyrir orkuskiptum í sjávarútvegi, sjóflutningum og landflutningum.
Um er að ræða fyrirtækin Atmonia, Síldarvinnsluna og Laxar, en Landsvirkjun. Copenhagen infrastructure partners og sveitarfélagið Fjarðarbyggð undirrituðu í gær viljayfirlýsingu um verkefnið.
Auk fyrrnefnds markmiðs verða kannaðir möguleikar á framleiðslu á kolefnislausum áburði auk hagnýtingar súrefnis, sem er hliðarafurð rafeldsneytisframleiðslu, í landeldi á fiski. Þá verða kostir þess að nýta glatvarma frá mögulegri rafeldsneytisframleiðslu til húshitunar á Reyðarfirði, sem er einn fárra þéttbýlisstaða á landinu sem ekki er með hitaveitu, kannaðir með Hitaveitu Fjarðabyggðar.