Sölvi Blöndal, teymisstjóri útgáfufyrirtækisins Öldu Music, sem í gær var selt til stærsta tónlistarfyrirtækis heims, Universal Music Group, vill að íslenski tónlistarbransinn hætti að vera „bransi“ og verði iðnaður, líkt og annars staðar á Norðurlöndunum.
„Besta dæmið er Svíþjóð. Þeirra útflutningur á tónlist hefur verið gríðarlega árangursríkur. Ekki bara útflutningur á stórum nöfnum heldur líka á lagahöfundum sem semja fyrir aðra. Þeir nálgast verkefnið skipulega og eru alltaf alþjóðlegir í sinni nálgun.“
Sölvi segir að salan til Universal þýði að fjárfesting í íslenska tónlistariðnaðinum muni aukast og lagahöfundar, framleiðendur, flytjendur o.fl. fái aukin tækifæri til listsköpunar.
Nánar er fjallað um málið í Morgunblaðinu í dag.