Á mánudaginn hefst almennt útboð á hlutabréfum Ölgerðarinnar en framundan er skráning fyrirtækisins á aðallista Kauphallarinnar. Útboðið hefst kl. 10:00 á mánudag og lýkur kl. 16:00 föstudaginn 27. maí.
Rétt tæplega 30% af heildarhlutafé félagsins er í boði og eru tvær áskriftarleiðir í boði. Tilboðsbók A, sem nær yfir 40% af útboðinu og Tilboðsbók B sem nær yfir 60%, en heimild er til að færa bréf á milli ef eftirspurn gefur tilefni til. Fast gengi, 8,9 kr á hlut, er í Tilboðsbók A. Það er Kvika sem sér um útboðið fyrir Ölgerðina.
Reiknað er með að niðurstaða útboðsins liggi fyrir mánudaginn 30. maí og fyrsti viðskiptadagur í Kauphöllinni verði fimmtudaginn 9. júní.
Fjárfestakynning vegna útboðsins stendur nú yfir hjá Ölgerðinni og geta lesendur mbl.is fylgst með fundinum hér að neðan.