Ómar Friðriksson
Ef samið verður um meiri launahækkanir í kjarasamningalotunni en gert er ráð fyrir í grunnspá Seðlabankans getur það haft afdrifaríkar afleiðingar í þjóðarbúskapnum. Verðbólgan gæti orðið þrálátari og efnahagsbatinn hægari.
Þetta er mat sérfræðinga Seðlabankans sem fram kemur í Peningamálum sem bankinn gaf út í gær, samhliða ákvörðun um hækkun stýrivaxta.
Kjarasamningalotan hefst við krefjandi aðstæður vegna verðbólgu og spennu á vinnumarkaði að mati bankans og óvissa er um þróun efnahagslífsins á næstu mánuðum og misserum, ekki síst um launahækkanir við endurnýjun kjarasamninga og ef orkukreppan í Evrópu dýpkar enn frekar.
Nánari umfjöllun er að finna í Morgunblaðinu í gær.