„Líklega aldrei staðið sterkar“

Bjarni Benediktsson, forsætisráðherra.
Bjarni Benediktsson, forsætisráðherra. mbl.is/Eggert

Sjávarútvegur á Íslandi hefur líklega aldrei staðið styrkari fótum en nú, og Íslendingar eru í fararbroddi hvað varðar sjálfbæra nýtingu auðlinda sjávarútvegs. Þetta kom fram í máli Bjarna Benediktssonar forsætisráðherra á Sjávarútvegsdeginum, ráðstefnu á vegum Deloitte, SA og SFS sem lauk nú fyrir hádegi.

„Það er mjög merkilegt að hugsa til þess hversu langt við höfum náð á undanförnum árum,“ sagði Bjarni og bætti við að hann vildi hrósa fólki sem starfað hefði í atvinnugreininni í lengri tíma, og þannig farið í gegnum góðu árin en einnig þau erfiðu.

„Og nú getum við litið yfir sviðið og sagt, líklega höfum við aldrei staðið sterkar.“

Ósjaldan í kosningabaráttu þessi árin

Bjarni sagðist sífellt finna fyrir áhuga erlendis á góðu gengi sjávarútvegs hér á landi.

„Ekkert annað fiskveiðistjórnunarkerfi hefur heppnast svo vel að menn telji að það sé tilefni að setja á álögur,“ sagði hann og bætti við að víða væri því frekar öfugt farið.

Umhverfið hér á landi sagði hann hafa stuðlað að mikilli nýsköpun og nefndi fjölda nýrra skipa sem keypt hafa verið hingað til lands síðustu misseri.

„Maður fer ósjaldan í kosningabaráttu þessi árin,“ sagði hann svo og uppskar hlátur ráðstefnugesta í Hörpu.

„En í hvert sinn sem ég heimsæki fiskvinnslur þá sé ég nýja tækni. Svo er gaman að sjá þegar maður kemur um borð að skipin eru fyllt af tækjum og tólum sem byggja líka á íslensku hugviti,“ bætti hann við og benti á að umrædd þróun og fjárfestingar væru að skila bættum lífskjörum á Íslandi.

Samhljómur um auðlindaákvæði

„Það er fagnaðarefni að fyrirtækin geti farið í miklar fjárfestingar sem þessar. Þær eru ein helsta forsenda þess að við náum sífellt meiri verðmætum úr auðlindinni.“

Vísaði hann til þess að fyrir þrjátíu árum hafi íslenski fiskveiðiflotinn veitt tvöfalt meira en hann gerir í dag. Samt sem áður fáist meiri peningur fyrir heildaraflann.

Athygli vakti að Bjarni sagðist finna fyrir samhljómi á milli flokkanna um innleiðingu auðlindaákvæðis í stjórnarskrá. Sagðist hann telja að ágreiningur um önnur atriði sem lúta að sjávarútvegi stæði þó í vegi fyrir slíku ákvæði sem stendur.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 16.1.18 332,18 kr/kg
Þorskur, slægður 16.1.18 331,16 kr/kg
Ýsa, óslægð 16.1.18 410,61 kr/kg
Ýsa, slægð 16.1.18 344,95 kr/kg
Ufsi, óslægður 16.1.18 74,58 kr/kg
Ufsi, slægður 16.1.18 114,30 kr/kg
Djúpkarfi 29.12.17 131,00 kr/kg
Gullkarfi 16.1.18 227,52 kr/kg
Litli karfi 14.12.17 0,00 kr/kg

Fleiri tegundir »

16.1.18 Bylgja VE-075 Botnvarpa
Þorskur 20.790 kg
Ufsi 3.890 kg
Karfi / Gullkarfi 614 kg
Samtals 25.294 kg
15.1.18 Anna EA-305 Lína
Keila 1.485 kg
Karfi / Gullkarfi 592 kg
Hlýri 387 kg
Samtals 2.464 kg
15.1.18 Fjóla SH-007 Plógur
Ígulker 1.518 kg
Samtals 1.518 kg
15.1.18 Sjöfn SH-707 Plógur
Ígulker 1.706 kg
Samtals 1.706 kg
15.1.18 Sæþór EA-101 Þorskfisknet
Þorskur 2.251 kg
Ýsa 309 kg
Skarkoli 159 kg
Karfi / Gullkarfi 153 kg
Ufsi 127 kg
Langa 20 kg
Rauðmagi 17 kg
Samtals 3.036 kg

Skoða allar landanir »