„Var mikil froststilla, sem betur fer“

Frá vettvangi brunans.
Frá vettvangi brunans. Ljósmynd/Sigurjon J. Sigurdsson

„Þarna voru náttúrulega varahlutir fyrir skipin og aðstaða til að taka inn dælur og mótora sem fara þarf yfir og endurnýja. Þetta var því okkar verkstæði og lager,“ segir Kristján G. Jóakimsson, vinnslu- og markaðsstjóri Hraðfrystihússins – Gunnvarar. Húsnæði skipaþjónustu útgerðarinnar, um 700 fermetrar að flatarmáli, er brunnið til kaldra kola auk alls þess sem inni í því var.

Húsið var mannlaust er eldurinn kom upp um klukkan ellefu að kvöldi föstudags, en í kjölfarið lagði mikinn reyk yfir nærliggjandi svæði og hvatti lögreglan fólk til að loka gluggum sínum.

Timburhús og mikill eldsmatur

Notaðar voru gröfur til að brjóta húsið niður, svo eldurinn bærist ekki í næstu hús, en þar á meðal er „Rauða húsið“ svonefnda, rúmlega hundrað ára gamalt timburhús sem flutt var til Ísafjarðar frá Hesteyri árið 1956.

Í samtali við 200 mílur í dag segir Kristján að ekki hafi munað miklu að eldurinn læsti sig í Rauða húsið.

„Það var bara svo mikil froststilla, sem betur fer. Manni hefði ekki litist vel á það hefði verið einhver vindgjóla, sem borið hefði meira líf í eldinn. Þetta er timburhús og þannig mikill eldsmatur,“ segir hann og bætir við að í því húsi geymi útgerðin ýmis veiðarfæri og íhluti fyrir skipin.

Ljósmynd/Sigurjon J. Sigurdsson

„Eigum að geta þjónustað skipin okkar“

Spurður hvort fjöldi tækja og tóla hafi verið inni í húsinu sem brann svarar Kristján játandi.

„En þetta er ekki að trufla okkur frekar. Það leystist farsællega úr þessu með samstarfi við aðra á Eyrinni,“ segir hann en útgerðin hefur samið við Vélsmiðjuna Þrym um að fá að nýta sér húsakost hennar.

„Þeir eru hinum megin við götuna og eru mjög vel tækjum búnir. Þetta á því ekki að hafa mikil áhrif. Við erum komin með húsnæði og aðgang að verkstæði, þannig að við eigum að geta þjónustað skipin okkar frá og með deginum í dag.“

Samkvæmt upplýsingum frá lögreglunni á Ísafirði eru upptök eldsins enn ókunn. Vettvangsrannsókn lauk á laugardag og er nú farið yfir gögn með það að markmiði að upplýsa málið.

mbl.is
Afurð Dags. Meðalverð
Þorskur, óslægður 15.8.18 272,09 kr/kg
Þorskur, slægður 15.8.18 291,78 kr/kg
Ýsa, óslægð 15.8.18 245,78 kr/kg
Ýsa, slægð 15.8.18 178,39 kr/kg
Ufsi, óslægður 15.8.18 77,15 kr/kg
Ufsi, slægður 15.8.18 97,72 kr/kg
Djúpkarfi 28.6.18 87,90 kr/kg
Gullkarfi 15.8.18 170,62 kr/kg
Litli karfi 28.6.18 45,00 kr/kg
Blálanga, óslægð 14.8.18 186,64 kr/kg

Fleiri tegundir »

16.8.18 Kaldi SK-121 Þorskfisknet
Ýsa 311 kg
Þorskur 189 kg
Samtals 500 kg
16.8.18 Gulltoppur Ii EA-229 Landbeitt lína
Þorskur 634 kg
Ýsa 399 kg
Ýsa 25 kg
Samtals 1.058 kg
16.8.18 Sigurður Pálsson ÓF-008 Þorskfisknet
Þorskur 242 kg
Samtals 242 kg
16.8.18 Brynjólfur VE-003 Humarvarpa
Karfi / Gullkarfi 10.842 kg
Samtals 10.842 kg
16.8.18 Ás NS-078 Handfæri
Þorskur 811 kg
Samtals 811 kg

Skoða allar landanir »