Slógu aflamet fyrstu þrjá mánuðina

Bergey VE heldur til veiða.
Bergey VE heldur til veiða. Ljósmynd/Guðmundur Alfreðsson

Vestmannaey VE og Bergey VE, skip Bergs-Hugins, dótturfyrirtækis Síldarvinnslunnar, hafa fiskað afar vel það sem af er ári. Fyrstu þrjá mánuði ársins var afli skipanna 2.900 tonn af slægðum fiski og er verðmæti aflans metið á um 640 milljónir króna.

Er þetta mesti afli sem skipin hafa fært að landi á þremur fyrstu mánuðum árs, en það ár sem næst kemst hvað afla varðar er 2009; þá var afli skipanna rúmlega 2.500 tonn.

Veiðiferðirnar tæpir tveir sólarhringar að meðaltali

Á vef Síldarvinnslunnar kemur fram að í marsmánuði hafi skipin veitt tæplega 1.140 tonn. Hvort um sig voru þau einungis 16 daga á sjó, þannig að meðalafli hvors skips var 36 tonn á dag. Þá var samsetning aflans býsna fjölbreytt en skipin komu alls með 22 tegundir að landi. Þorskur var 35% aflans, ýsa 23%, ufsi 14%, karfi 10% og lýsa 3,5%, svo helstu tegundir séu nefndar.

Segir enn fremur á vef útgerðarinnar að helsta veiðisvæði skipanna frá því í febrúar hafi verið í kringum Vestmannaeyjar og því ekki þurft að sigla langt á miðin.

Í marsmánuði fór hvort skip tvær veiðiferðir í viku og tók hver veiðiferð að meðaltali innan við tvo sólarhringa. Ekki var óalgengt að landað væri fullfermi að lokinni 30 tíma veiðiferð.

mbl.is
Afurð Dags. Meðalverð
Þorskur, óslægður 24.4.18 203,67 kr/kg
Þorskur, slægður 24.4.18 266,47 kr/kg
Ýsa, óslægð 24.4.18 314,61 kr/kg
Ýsa, slægð 24.4.18 271,30 kr/kg
Ufsi, óslægður 24.4.18 53,72 kr/kg
Ufsi, slægður 24.4.18 82,10 kr/kg
Djúpkarfi 19.3.18 50,00 kr/kg
Gullkarfi 24.4.18 107,27 kr/kg
Litli karfi 14.2.18 18,00 kr/kg
Blálanga, óslægð 20.3.18 225,00 kr/kg

Fleiri tegundir »

24.4.18 Glettingur NS-100 Grásleppunet
Þorskur 2.997 kg
Grásleppa 2.253 kg
Ýsa 256 kg
Skarkoli 48 kg
Keila 5 kg
Samtals 5.559 kg
24.4.18 Straumey ÍS-069 Handfæri
Þorskur 1.074 kg
Samtals 1.074 kg
24.4.18 Sigfús B ÍS-401 Handfæri
Þorskur 1.771 kg
Samtals 1.771 kg
24.4.18 Hafdís ÍS-062 Handfæri
Þorskur 1.152 kg
Samtals 1.152 kg
24.4.18 Straumnes ÍS-240 Handfæri
Þorskur 1.841 kg
Samtals 1.841 kg

Skoða allar landanir »