Gjöld lækkuð hjá vel stæðum fyrirtækjum

Þorgerður Katrín Gunnarsdóttir.
Þorgerður Katrín Gunnarsdóttir. mbl.is/Kristinn Magnússon

„Helmingur lækkunarinnar fer til tíu stærstu útgerðarfyrirtækja landsins,“ sagði Þorgerður Katrín Gunnarsdóttir, formaður Viðreisnar, á Alþingi í morgun. Hún spurði Katrínu Jakobsdóttur forsætisráðherra um fyrirhugað frumvarp um lækkun veiðigjalda.

Þorgerður sagði að í sjálfu sér væri ekkert athugavert ef það væri verið að ræða raunverulega lækkun á veiðigjöldum til lítilla eða minni útgerða sem raunverulega þurfa á því að halda en sú væri ekki raunin.

Á síðustu metrum þingsins er erfitt að fá svona frumvarp sem er keyrt beint í gegnum þingið, það á að keyra þetta ofan í kokið á okkur og við verðum að gleypa það hvort sem okkur líkar betur eða verr,“ sagði Þorgerður.

Hún spurði Katrínu hvort hún myndi beita sér fyrir breytingum á frumvarpinu sem gætu leitt til meiri sátta á síðustu dögum í þá veru að heimildin til að taka veiðigjöld væri framlengd og hins vegar að reynt væri að einblína frekar á litlu fyrirtækin í gegnum persónuafsláttinn.

Mun hún beita sér fyrir því að það verði að nýju skipuð þverpólitísk sáttanefnd til að við reynum að ná raunverulegri sátt um sjávarútveginn?“ sagði Þorgerður og beindi orðum sínum til Katrínar.

Skilur gagnrýni stjórnarandstöðunnar

Katrín sagðist skilja gagnrýni að fá frumvarpið um veiðigjöld inn með svo skömmum fyrirvara. Hún hefði boðað til fundar með formönnum flokka í hádeginu til að ræða þinghaldið og þar með talið þetta mál.

Katrín Jakobsdóttir forsætisráðherra.
Katrín Jakobsdóttir forsætisráðherra. mbl.is/Kristinn Magnússon

Hafandi sagt það vil ég þó segja að ég hefði átt von á að það væri flötur á því að ná meiri samstöðu um þau markmið sem birtast í frumvarpinu, þau markmið að færa útreikning veiðigjalda nær í rauntíma,“ sagði Katrín og bætti við að veiðigjöld ættu að vera afkomutengd.

Ég er sammála því að veiðigjaldið þarf að afkomutengja að hluta til, en ekki að öllu leyti. Ég horfi ekki á það sem skatt. Ég horfi á það sem aðgangsmiða að auðlindinni,“ sagði Þorgerður.

Hún sagði að það væri ekki hart í ári hjá útgerðinni þó rekstrarhagnaðurinn hefði farið úr 22% í 16%. 

En er það léleg afkoma? Síður en svo. Ef við berum sjávarútveginn saman við allar aðrar atvinnugreinar — og ég horfi hér á ráðherra ferðamála sem ætti að hafa verulegar áhyggjur af stöðunni í ferðaþjónustu — sjáum við að sjávarútvegurinn er í grunninn vel rekin, vel stæð atvinnugrein,“ sagði Þorgerður og bætti við að það væri engin ástæða til að fara í þessa lækkun sem snúi helst að því að lækka veiðigjöld best stæðu og stærstu útgerða landsins.

mbl.is
Afurð Dags. Meðalverð
Þorskur, óslægður 19.10.18 302,74 kr/kg
Þorskur, slægður 19.10.18 325,60 kr/kg
Ýsa, óslægð 19.10.18 212,05 kr/kg
Ýsa, slægð 19.10.18 164,57 kr/kg
Ufsi, óslægður 19.10.18 100,35 kr/kg
Ufsi, slægður 19.10.18 140,98 kr/kg
Djúpkarfi 3.10.18 124,00 kr/kg
Gullkarfi 19.10.18 300,01 kr/kg
Blálanga, óslægð 18.10.18 226,00 kr/kg
Blálanga, slægð 19.10.18 299,33 kr/kg

Fleiri tegundir »

19.10.18 Lágey ÞH-265 Lína
Þorskur 1.759 kg
Ýsa 1.248 kg
Tindaskata 190 kg
Samtals 3.197 kg
19.10.18 Bylgja VE-075 Botnvarpa
Ýsa 26.444 kg
Þorskur 22.609 kg
Ufsi 408 kg
Karfi / Gullkarfi 250 kg
Steinbítur 126 kg
Hlýri 103 kg
Skarkoli 9 kg
Þykkvalúra / Sólkoli 8 kg
Samtals 49.957 kg
19.10.18 Sæþór EA-101 Þorskfisknet
Þorskur 2.089 kg
Ýsa 116 kg
Ufsi 60 kg
Skarkoli 16 kg
Þykkvalúra / Sólkoli 8 kg
Karfi / Gullkarfi 6 kg
Langa 4 kg
Samtals 2.299 kg

Skoða allar landanir »