Alls veiddust 146 hvalir á 98 daga vertíð

Hvalurinn var frekar nálægt landi, segir Kristján.
Hvalurinn var frekar nálægt landi, segir Kristján. mbl.is/Kristinn Ingvarsson

Hvalur 9 kom með tvo síðustu hvali sumarsins í Hvalstöðina í Hvalfirði í fyrrinótt. Alls veiddust 146 langreyðar, en af þeim greindust tveir blendingar langreyðar og steypireyðar. Spurður um framhald hvalveiða næsta sumar segir Kristján Loftsson, framkvæmdastjóri Hvals hf., að nær sé að beina þeirri spurningu til stjórnvalda.

Veðurspá er ekki hagstæð næstu vikuna og því var ákveðið að láta staðar numið, en veiðitímabilinu hefur oft lokið um þetta leyti. Vertíðin hófst 19. júní þegar Hvalur 8 fór út, en Hvalur 9 tafðist um níu daga meðan beðið var varahluta í stýri og skutpípu. Vertíðin stóð því í 98 daga, en frátafir voru í 18 daga vegna brælu.

Að sögn Kristjáns störfuðu alls um 150 manns hjá fyrirtækinu í sumar; á hvalbátunum tveimur, í Hvalfirði og í Hafnarfirði. „Þrátt fyrir rysjótt veður gekk vertíðin vel,“ segir Kristján í samtali við Morgunblaðið í dag.

„Hvalurinn var frekar nálægt landi eða yfirleitt 120-130 mílur úr Hvalfirði. Mest veiddist út af Faxaflóa og Reykjanesi og það var mikið af hval að sjá í sumar; steypireyður, langreyður, sandreyður, hnúfubakur og búrhvalur.“

Í Morgunblaðinu greinir Kristján einnig frá því að leitað hafi verið til hans frá Vestur-Afríku, eft­ir upp­lýs­ing­um um hvað þurfi að gera til að geta byrjað að veiða hval.

Afurð Dags. Meðalverð
Þorskur, óslægður 19.10.18 300,29 kr/kg
Þorskur, slægður 19.10.18 325,60 kr/kg
Ýsa, óslægð 19.10.18 213,51 kr/kg
Ýsa, slægð 19.10.18 164,57 kr/kg
Ufsi, óslægður 19.10.18 100,35 kr/kg
Ufsi, slægður 19.10.18 140,76 kr/kg
Djúpkarfi 3.10.18 124,00 kr/kg
Gullkarfi 19.10.18 296,76 kr/kg
Blálanga, óslægð 18.10.18 226,00 kr/kg
Blálanga, slægð 19.10.18 299,33 kr/kg

Fleiri tegundir »

20.10.18 Tryggvi Eðvarðs SH-002 Landbeitt lína
Þorskur 3.951 kg
Ýsa 3.262 kg
Samtals 7.213 kg
20.10.18 Óli Á Stað GK-099 Lína
Þorskur 71 kg
Ýsa 52 kg
Langa 31 kg
Keila 7 kg
Lýsa 2 kg
Samtals 163 kg
20.10.18 Guðbjörg GK-666 Lína
Ýsa 209 kg
Þorskur 150 kg
Lýsa 35 kg
Langa 10 kg
Steinbítur 5 kg
Samtals 409 kg

Skoða allar landanir »