53% aukning í ráðgjöf um síldarafla

Gert er ráð fyrir tæplega 53% aukningu afla úr norsk-íslenska síldarstofninum á næsta ári í ráðgjöf Alþjóðahafrannsóknaráðsins, ICES.

Breytt aflaregla leiðir m.a. til þessarar aukningar, en eftir sem áður heldur hrygningarstofn síldarinnar áfram að minnka og nýliðun hefur verið slök um langt árabil. Árgangurinn frá 2016 er þó metinn yfir meðalstærð.

Í september lagði ICES til rúmlega 40% samdrátt í makrílafla á næsta ári. Sömuleiðis verður um samdrátt í kolmunnaafla að ræða. Þá hafa mælingar á stærð loðnustofnsins hér við land ekki gefið tilefni til að gefa út aflamark, að því er fram kemur í Morgunblaðinu í dag.