Heiðveig undirbýr mál fyrir Félagsdóm

Heiðveig María bauð sig fram í formannsembætti Sjómannafélagsins en var ...
Heiðveig María bauð sig fram í formannsembætti Sjómannafélagsins en var rekin úr félaginu. mbl.is/Eggert

Heiðveig María Einarsdóttir undirbýr stefnu á hendur Sjómannafélaginu fyrir Félagsdómi. Unnið er að undirbúningi málsins og fer það inn á borð Félagsdóms í næstu viku.

Niðurstaða Félagsdóms ætti að varpa ljósi á það hvort brottrekstur hennar úr félaginu sé lögmætur og einnig verður skorið úr um lögmæti þriggja ára reglunnar, sem kveður á um að sá sem bjóði sig fram til formanns þurfi að hafa verið greiðandi í félaginu í minnst þrjú ár.

Samkvæmt því sem lesa má af vefsvæði Sjómannafélagsins hafa fá sem engin mótframboð við sitjandi formann verið á undanförnum árum. Ekki er heldur að sjá, að auglýst hafi verið eftir framboðum til formannsembættis.

Heiðveig segir í samtali við mbl.is að bíða verði úrskurðar Félagsdóms áður en hún tjái sig með afdráttarlausum hætti um þessi mál. Staðan sé óbreytt og verið sé að undirbúa málið.

Hún hyggst samt berjast fyrir breytingum á þessu. „Eitt af upphaflegu markmiðum mínum stendur enn óhaggað og það er að sjómenn, allir sem einn, standi sameinaðir og betur undirbúnir en nokkru sinni fyrr nú á komandi ári, hvernig svo sem farið verður að því,“ segir Heiðveig.  

„Ég held áfram að beita mér fyrir því einum eða öðrum hætti.“



mbl.is
Afurð Dags. Meðalverð
Þorskur, óslægður 16.12.18 258,02 kr/kg
Þorskur, slægður 16.12.18 371,55 kr/kg
Ýsa, óslægð 16.12.18 219,85 kr/kg
Ýsa, slægð 16.12.18 178,04 kr/kg
Ufsi, óslægður 16.12.18 67,33 kr/kg
Ufsi, slægður 16.12.18 132,11 kr/kg
Djúpkarfi 6.12.18 307,00 kr/kg
Gullkarfi 16.12.18 248,52 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

16.12.18 Björg EA-007 Botnvarpa
Þorskur 196.648 kg
Samtals 196.648 kg
16.12.18 Halldór Sigurðsson ÍS-014 Rækjuvarpa
Rækja (úthafsrækja) 5.720 kg
Samtals 5.720 kg
16.12.18 Auður Vésteins SU-088 Lína
Þorskur 133 kg
Samtals 133 kg
16.12.18 Gísli Súrsson GK-008 Lína
Þorskur 251 kg
Keila 24 kg
Steinbítur 19 kg
Karfi / Gullkarfi 3 kg
Samtals 297 kg
16.12.18 Vésteinn GK-088 Lína
Þorskur 131 kg
Keila 88 kg
Karfi / Gullkarfi 39 kg
Steinbítur 30 kg
Samtals 288 kg

Skoða allar landanir »