Tökum ekki ákvörðun á veikum grundvelli

„Þetta er eðlilegur ferill málsins ef aðili vill fá ákvörðun endurskoðaða, þá er ferillinn sá að kæra þetta til æðra stjórnvalds og fá endurskoðun á það,“ segir Eyþór Björnsson fiskistofustjóri.

Útgerðarfé­lag Reykja­vík­ur (ÚR) tilkynnti í gær að það hefði kært til atvinnu- og nýsköpunarráðuneytisins þá ákvörðun Fiski­stofu að svipta tog­ar­ann Kleif­a­berg RE 70 veiðileyfi í tólf vik­ur frá og með 4. fe­brú­ar næst­kom­andi vegna meints brottkasts afla. Segir í kærunni að niðurstaðan sé ekki í samræmi við brotið.

Frétt af mbl.is

ÚR kærir sviptingu veiðileyfis

Spurður um þá fullyrðingu útgerðafélagsins svarar Eyþór: „Ákvörðun Fiskistofu liggur fyrir og hún er tekin út frá umfangi og alvarleika málsins.“

Hann segist heldur ekki vera sammála því þeirri fullyrðingu ÚR að úrskurðurinn byggi á veikum lagalegum grunni. „Við tökum ekki ákvörðun á veikum grundvelli, við leggjum bara fram ákvörðunina og nú fer þetta í endurskoðun hjá ráðuneytinu.“ Fiskistofa muni síðan hlíta þeirri niðurstöðu. „Æðra stjórnvald er til þess að endurskoða það sem stofnunin ákveður og það er bara eðlileg stjórnsýsla.“

• Blogga um frétt