Strandaði að nýju og drapst

Háhyrningurinn sem strandaði inn­ar­lega í höfn­inni við ósinn við hafn­ar­læk­inn við Þórs­höfn á Langa­nesi í gærkvöld og tókst að vísa úr höfninni fannst dauður í fjörunni rétt innan við Þórshöfn á áttunda tímanum í morgun. 

Frétt af mbl.is

„Hibbi“ háhyrningur kominn úr höfninni

Björg­un­ar­mönn­um úr björgunarsveitinni Hafliða á Þórs­höfn tókst í nótt að koma há­hyrn­ingnum úr höfninni og út fyr­ir varn­argarð hafn­ar­inn­ar. Að sögn björgunarmanna virtist háhyrningurinn vankaður og töldu þeir líkur á að hann myndi leita aftur í fjöruna. 

Það reyndist rétt og fannst hann dauður í fjörunni rétt innan við Þórshöfn í morgun. Líney Sigurðardóttir, fréttaritari Morgunblaðsins og mbl.is. á Þórshöfn, er í fjörunni. „Hann hefur flækst aftur inn greyið og endað hérna,“ segir Líney. Háhyrningurinn hefur vakið athygli heimamanna í morgunsárið og hafa nokkrir safnast saman við hræið.  

Ekki hefur náðst í lögregluna á Þórshöfn í morgun. 

Háhyrningurinn virtist vankaður eftir að hann ráfaði inn í höfnina í gær og fannst svo dauður í fjörunni innan við Þórshöfn í morgun. Ljós­mynd/​​Lín­ey Sig­urðardótt­ir

Háhyrningurinn leitaði aftur inn í fjöruna í morgun. Ljós­mynd/​​Lín­ey Sig­urðardótt­ir

• 1 blogg um fréttina

Bloggað um fréttina

• Torfi Kristján Stefánsson: Hvalreki eða matarsóun?