Þó nokkur frávik íshlutfalls í vigtun afla

Í einstökum tilvikum er talsverður munur á ísprósentu við vigtun afla eftir því hvort vigtunin er undir eftirliti eða ekki. Mesta frávikið sem mældist á tímabilinu 1. janúar til 29. febrúar var 7,08 prósentustig, að því er segir á vef Fiskistofu.

Hafði íshlutfallið í aflanum verið að meðaltali 11,87% við vigtun en við yfirstöðu eftirlitsmanns var ísinn 4,79%. „Í þessu  tilfelli þýðir þetta að ís við yfirstöðu reyndist vera einungis um 40% af því sem  hann var skráður þegar eftirlitsmaður var ekki á staðnum.“

Frétt af mbl.is

Fleiri tegundir með eftirlitsmanni

Vekur athygli að einnig voru nokkur tilvik þar sem íshlutfall mældist meira við vigtun undir eftirliti og var íshlutfallið 4,1 prósentustigi meira í því tilviki sem mismunurinn var mestur. Sem þýðir að ísinn var 25% meiri við yfirstöðu eftirlitsmanns Fiskistofu.

Af þeim 25 eftirlitstilvikum sem vakin er athygli á á vef stofnunarinnar voru frávik innan við eitt prósentustig í tólf þeirra og frávik innan við tvö prósentustig í sautján tilvikum.

Mynd/Fiskistofa

• Blogga um frétt