Óska eftir álitum um bann við fiskeldi
Setja bókamerki
Atvinnuvega- og nýsköpunarráðuneytið hefur óskað eftir umsögnum frá Fiskistofu, Hafrannsóknastofnun, Matvælastofnun og viðkomandi sveitarfélögum um hvort rétt sé að lýst verði yfir banni við eldi laxfiska af eldisstofni í sjókvíum í Eyjafirði, Jökulfjörðum og í sunnanverðum Norðfjarðarflóa, að því er fram kemur í tilkynningu á vef Stjórnarráðsins.
Vísað er til ákvæðis laga um að ráðherra sé heimilt að fenginni umsögn að takmarka eða banna fiskeldi eða ákveðnar eldisaðferðir í einstaka fjörðum, flóum eða á svæðum sem teljast sérlega viðkvæm gagnvart fiskeldi.
Eyjafjörður, Jökulfirðir og sunnanverður Norðfjarðarflói eru ekki meðal gildandi yfirlýstra friðunarsvæða. „Ekkert þessara svæða hefur verið burðarþolsmetið og engin rekstrarleyfi eða umsóknir um rekstrarleyfi eru til staðar á þessum svæðum,“ segir í tilkynningunni.
Til stendur að Kristján Þór Júlíusson, sjávarútvegs- og landbúnaðarráðherra, haldi opinn fund um fiskeldi í Hofi á Akureyri í kvöld.
Sex hafa greinst með listeríu
/frimg/1/29/32/1293273.jpg)
Ekki af baki dottinn og ætlar að opna B5 aftur
Mál hjúkrunarfræðingsins fer aftur fyrir héraðsdóm
Kostnaður meiri en milljón á fermetra
Bergnuminn í Hvalfirði
Gígbarmurinn hækkað frá því í gær
„Höfum ekki náð að skríða upp úr þeirri gryfju“
Hvorki sést áður hér á landi né annars staðar