Bátur að sökkva við bryggju á Akureyri

Slökkviliðið á Akureyri fékk rétt í þessu tilkynningu um að bátur væri að sökkva við bryggju á Akureyri. Slökkvilið er á leið á vettvang og er óvíst hversu slæmt ástandið er. Enginn er þó í hættu vegna þessa og segir Ólafur Stefánsson slökkviliðsstjóri að slökkvilið sé einfaldlega kallað til í þeim tilgangi að „hjálpa mönnum að bjarga bátnum“. 

Um er að ræða sex tonna trébát en illa gekk að sjósetja bátinn „það gekk ekki betur en þetta,“ segir Ólafur. 

Kalsarigning er á Akureyri en Ólafur segir ekki hægt að kenna veðrinu um það sem gerðist. 

• Blogga um frétt