Háseti á frystitogaranum Júlíusi Geirmundssyni segir að það hafi verið erfitt að horfa á upp á  veika skipverja vera við vinnu. Hann segir í samtali við Rúv að eftir að skipverjunum var tilkynnt um smitið hafi þeim verið sagt að halda áfram að vinna. 

Rætt var við Arnar Hilmarsson í kvöldfréttum Sjónvarps. Arnar, sem er 21 árs gamall, er einn af þeim 22 skipverjum sem veiktust, en alls voru 25 um borð í togaranum. 

Frétt af mbl.is

„Haldið nauðugum og veikum við vinnu“

Aðspurður greinir Arnar frá því að hann hafi fundið fyrir einkennum, þ.e.a.s. svima, hausverk, hálsbólgu og hósta. 

„Sá sem varð veikastur er einn harðasti maður, sem ég veit um, og hann lét sig hafa það í einhverjar þrjár vaktir að vinna veikur. Svo var hann einfaldlega orðinn svo slæmur að hann bara gat það mögulega ekki. Það var bara erfitt að horfa upp á hann færa sig upp af bekknum og upp í sjúkraklefa,“ sagði Arnar í samtali við Rúv. 

Hann sagði ennfremur, að þar sem skipstjórinn hefði haft samband sóttvarnalækni í byrjun túrsins þá hafi menn talið að allt væri gert í samráði við hann.

Arnar segir í viðtalinu að skipverjarnir séu sammála um að það hafi verið brotið á þeim. Það sé alvarlegt að halda veikum mönnum við vinnu. 

Tengdar fréttir

Covid-veikir skipverjar á Júlíusi Geirmundssyni

Covid-máli á frystitogara lokið

• Skipstjórinn á Júlíusi Geirmundssyni sýknaður
• Skipstjóri sakfelldur vegna Covid-smits skipverja
• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: "Þrjátíu ár á sjó og ertu hræddur?"