Tók tíma að finna þorskinn þegar brældi

Drangey SK2 kom til hafnar á Sauðárkróki í dag eftir ágætis veiði að sögn Guðmundar Ágústs Guðmundssonar skipstjóra. Fram kemur á vef Fisk-Seafood að heildaraflinn hafi verið 161 tonn og var uppistaðan þorskur og ufsi.

„Við vorum fimm daga á veiðum. Byrjuðum vestur í Kanti í ágætis veiði af blönduðum afla, þorski, ufsa og karfa. Síðan brældi og tók þá svolítinn tíma að finna þorskinn aftur en enduðum í ágætri þorskveiði á Strandagrunni. Veðrið var gott, fyrir utan rúman sólarhring í norðaustan stormi,“ segir Guðmundur Ágúst.

• Blogga um frétt