Marel hefur undirritað samning um kaup á Völku ehf.

Stefnir Marel á kaup á 100% hlut í Völku en yfir 90% hluthafa Völku hafa samþykkt samning um kaupin, er kemur fram í tilkynningu frá Marel. 

Eftirstandandi hluthöfum verður boðið að selja sinn hlut á sömu kjörum. Kaupin eru háð hefðbundnum fyrirvörum um samþykki samkeppnisyfirvalda en gert er ráð fyrir að kaupin gangi í gegn síðar á árinu. 

Guðbjörg Heiða Guðmundsdóttir, framkvæmdastjóri fiskiðnaðar Marel og Helgi Hjálmarsson, stofnandi og framkvæmdastjóri Völku ehf. Ljósmynd/Aðsend

Kaupverðið er greitt 50% með reiðufé og 50% í Marel-hlutabréfum, fyrir utan minni hluthafa sem býðst greiðsla með 100% reiðufé. Seljendur sem fá hlutabréf í Marel skuldbinda sig til að eiga þau í 18 mánuði frá kaupunum.

Valka er hátæknifyrirtæki í fiskvinnslulausnum og var stofnað af Helga Hjálmarssyni árið 2003. Félagið hefur verið í samkeppni við Marel í framleiðslu ýmissa fiskvinnsluvéla síðastliðin ár, þar á meðal í vatnsskurðarvélum. 

Tengdar fréttir

Nýsköpun og tækni í sjávarútvegi

Fjárfesta 332 milljónum í Hefring

• Frumkvöðlar bláa hagkerfisins kynna nýsköpun
• Hugmyndafræði Sjávarklasans víða eftirsótt
• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu

» Fleiri tengdar fréttir

• Blogga um frétt