„Vissulega er fagnaðarefni að útgerðin og veiðiheimildirnar haldist áfram hér á svæðinu. En vissulega hræða spor sögunnar,“ segir Kristinn Jónasson, bæjarstjóri í Snæfellsbæ í tilefni af fréttum af því að gengið hafi verið frá samkomulagi um kaup FISK Seafood ehf. á 60 prósenta eignarhlut í útgerðarfélaginu Steinunni hf. í Ólafsvík. 

Steinunn ehf. er eitt stærsta útgerðarfyrirtækið í Ólafsvík og hefur skilað miklu til samfélagsins. Svo verður áfram, skv. því sem sagt hefur verið, en Kristinn segist taka öllu með fyrirvara og hefði kosið að heimamönnum hefði verið boðið að koma að kaupunum.

Frétt af mbl.is

FISK Seafood kaupir í Steinunni hf.

„Eitt sinn keypti KEA hér útgerð og rækjuvinnslu, sem átti að efla. Fáum mánuðum síðar var kvótinn farinn og verksmiðjunni lokað og borið við breyttum forsendum. Sögur líkar þessari eru margar,“ segir Kristinn.

Í upphafi nýs fiskveiðiárs er staðan í Snæfellsbæ annars góð, að sögn bæjarstjórans. Flestir bátar eru farnir á sjó og fiska vel skammt út af Ólafsvíkinni. Aðeins 10-15 mínútna stím er á fengsæl mið. Þá gengu strandveiðar í sumar með ágætum, en þá reru smábátakarlar frá Arnarstapa, Rifi og Ólafsvík og gerðu það gott.

Tengdar fréttir

FISK Seafood

Kaupa 100 tonna kvóta af Saltveri

• 300 milljóna króna afla landað á Sauðárkróki
• Ný ytri höfn forsenda uppbyggingar
• Hafa landað 485 tonnum á Sauðárkróki
• Gott veður og ágætis veiði hjá Málmey

» Fleiri tengdar fréttir