Haustrallið er hafið og stendur yfir næstu fjórar vikur. Alls taka þrjú skip þátt og eru fimm rannsóknamenn á hverju skipi auk áhafnar. Um er að ræða togarana Múlaberg SI og Breka VE auk rannsóknaskipsins Árna Friðrikssyni.

Í haustralli fer fram stofnmæling botnfiska að haustlagi og er markmiðið að fylgjast með breytingum á stofnstærð, aldri, fæðu, ástandi og útbreiðslu botnfisktegunda við landið.

Fram kemur á vef Hafrannsóknastofnunar að togað verði á 370 stöðvum á allt að 1.300 metra dýpi umhverfis Ísland og er svæðunum skipt upp í grunn- og djúpslóð. Mun þetta vera í 25. skipti sem stofnmæling er framkvæmd að hausti með sambærilegum hætti og hefur það verið gert árlega frá 1996.

Tengdar fréttir

Hafrannsóknastofnun

Hafa kortlagt um sex þúsund ferkílómetra

• Vísar gagnrýni á togararall á bug
• Telur stærð nytjastofna stórlega vanmetna
• „Allir um borð eru afskaplega hjálplegir“
• Samstarfssamningur Hafró og NMSÍ undirritaður

» Fleiri tengdar fréttir

• Blogga um frétt