Kaupa meirihluta í eldisfyrirtækinu Hábrún
Setja bókamerki
ÍV SIF Equity Farming ehf. (ÍSEF) hefur fest kaup á meirihluta í fiskeldisfyrirtækinu Hábrún ehf. sem stundar eldi í Ísafjarðardjúpi. Ekki er um að ræða fyrstu fjárfestinguna í eldi en ÍSEF tilkynnti í mars að félagið hefði eignast meirihluta í ÍS 47 ehf. sem einnig starfrækir eldi í Ísafjarðardjúpi.
„ÍV SIF Equity Farming ehf. er eignarhaldsfélag í eigu hóps íslenskra fjárfesta sem hefur að meginmarkmiði að byggja upp eignasafn í fiskeldi og tengdri starfsemi,“ segir í tilkynningu frá ÍSEF. Þá segir að Hábrún sé frumkvöðull í fiskeldi í Ísafjarðardjúpi og vísað til þess að fyrirtækið og fyrirrennarar þess hafi stundað fiskeldi frá 1996. „Félagið er í dag öflugt fiskeldisfyrirtæki sem hyggur á aukin umsvif.“
Halldór Gunnlaugsson, frá Hólmavík, mun verða nýr framkvæmdastjóri Hábrúnar en fyrir er hann framkvæmdastjóri ÍS 47 og mun hann halda áfram í því starfi. Halldór hefur áður starfað sem fjármálastjóri Arnarlax og er löggiltur endurskoðandi. Þá hefur hann einnig starfað hjá KPMG og Grant Thornton með áherslu á sjávarútveg og fjármálafyrirtæki.
„Starfsemi Hábrúnar hefur þróast undanfarin ár og kemur til með að þróast enn frekar næstu misseri. Við stefnum að því að efla fyrirtækið og starfsemi þess til muna og fögnum þeim áfanga sem náðist með aðkomu öflugs hóps íslenskra fjárfesta að félaginu. Það er lykilatriði í okkar áætlunum,“ segir Halldór.
Handteknir eftir myndatöku í Vesturbæjarlaug
„Höfum ekki náð að skríða upp úr þeirri gryfju“
Skemmtiferðaskip hætt komið nærri Viðey
„Hvílir mikil leynd yfir þessu öllu“
Sex hafa greinst með listeríu
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi